Krerët e opozitës çelin sot fushatën për zgjedhjet vendore. Me sloganin “Ndryshimi në duart e tua”, opozita nis sot zyrtarisht rrugëtimin drejt zgjedhjeve të 14 Majit.
Në orën 12:00 në stadiumin “Air Albania” kryedemokrati Sali Berisha dhe drejtuesi i Partisë së Lirisë, Ilir Meta, zhvillojnë mitingun hapës.
“Sipas axhendës fillimisht do të mbajnë fjalën disa prej eksponentëve të PD-së dhe disa prej kandidatëve për bashkitë kryesore të vendit, por edhe kandidatë të tjerë që duan të japin thirrjet e tyre sa i përket zgjedhjeve.
Pritet që kjo hapje të kulmojë me fjalën e zotit Berisha, kryetarit të PD-së, i cili në fakt në ditët më përpara ka theksuar se fushata e koalicionit “Bashkë Fitojmë” do të jetë një fushatë tradicionale, pas do të zhvillojë takime me qytetarë qoftë ne vende të mbyllura, apo mitingje të hapura”.
Kujtojmë se socialstët kanë vendosur të kenë një fushatë duke mbjellë pemë dhe jo me tubime të mëdha.
