Presidenti i vendit, Bajram Begaj ka dekoruar ditën e sotme, ambasadorin WillimaG. Walken me medaljen më të lartë, atë të “Kalorësit të Urdhërit të Falumurit”,i cili i ekspozoi botës masakrën e Raçenakut, duke i dhënë jehonë të mënjëhershme komunitetit ndërkombëtar.
Masakra e ndodhur në regjimin e Millosheviç, u vranë 45 qytetarë ta pafajshëm, ngjarje e cila u përpoq që të fshihej.
Ishte diplomati Walker i cili ngriti këtë problem shqetësues, duke bërë të mundur reagimin dhe ndërhyrjen e shteteve të fuqishme ndërkombetare për neutralizimin esituatës.
Ambasadori Walker, shembull dhe mbrojtës i jetës, lirisë dhe prosperitetit të qytetarëve të Kosovës, të rajonit e të kompit tonë.
Shkrimi i presidentit Begaj:
Nderova sot në emër të shtetit shqiptar dhe të gjithë shqiptarëve, me një nga medaljet më të larta të Republikës së Shqipërisë, atë të “Kalorësit të Urdhrit të Flamurit” Ambasadorin William G. Walker.
Ambasadori Walker është një personalitet ndërkombëtar, diplomat dhe humanist, i pari që ekspozoi në mbarë botën si “një krim kundër njerëzimit” masakrën e Reçakut, ku u masakruan dyzet e pesë qytetarë të pafajshëm nga trupat ushtarake dhe paraushtarake të regjimit të Millosheviçit, gjë që solli reagimin e menjëhershëm të komunitetit ndërkombëtar.
Për të mos harruar krimet e së shkuarës si edhe në sfondin e agresionit të pajustifikuar rus në Ukrainë, për të ruajtur paqen dhe për t’i lënë një botë më të mirë fëmijëve tanë, vlerësojmë personalitete si Ambasadori Walker, shembull dhe mbrojtës i jetës, lirisë dhe prosperitetit të qytetarëve të Kosovës, të rajonit e të kombit tonë.
