Gjykata Ndërkombëtare në Paris ka vendosur në favor të shtetit shqiptar, kompanisë shtetërore të naftës Albpetrol duke detyruar kompaninë kineze të Bankers Petroleum ti paguajë kësaj të fundit 236 milionë dollarët që nuk ka dashur ti paguajë.
Çështjen e kishte çuar në Paris, Bankers Petroleum, por kompania tani do të detyrohet ti paguajë shumën e parave shtetit shqiptar, madje edhe kostot e gjykimeve.
Bankers u përpoq të mbante të gjitha të ardhurat e gjeneruara nga prodhimi në fushën e Patos-Marinëz, ndërmjet pretendimeve të tjera.
Bankers e filloi këtë çështje në arbitrazh në vitin 2013. Pretendimet e kompanisë kishin të bënin me taksat, apo mbledhjen e përfitimeve sipas një marrëveshjeje të firmosur në 2004.
Sipas websitit të kompanisë, ata kanë investuar 3.5 miliardë dollarë në fushën e Patos Marinzës. Dhe kanë paguar 587 milionë dollarë për qeverinë shqiptare.
