Arrihet marrëveshja me akademinë e klubit të Manchester Cityt. Shkolla e tij e futbollit për fëmijë tashmë do të ketë në qytetin bregdetar të Durrësit kampusin e tyre për rajonin.
Këtë njoftim e ka bërë të ditur Ministrja e Arsimit dhe Sportit Evis Kushi, e cila përmes një postimi në rrjetin e tij social Facebook ka ndarë me qytetarët lajmin e shumë pritur.
“Sapo ka nisur kapitulli i ri i një historie miqësie e ardhmërie, në një rrugë të përbashkët suksesi me miqtë tanë të paçmuar të Emirateve të Bashkuara”, shkruan Kushi.
Kujtojmë se pjesë e delegacionit që përfaqësonin Shqipërinë ishte dhe Kryetarja e Bashkisë së Durrësit Emiriana Sako.
Ja postimi i plotë i Minisitres:
AKADEMIA E KLUBIT TË MANCHESTER CITY DHE SHKOLLA E TIJ E FUTBOLLIT PËR FËMIJËT DO TË KENË NË DURRËS KAMPUSIN E TYRE PËR RAJONIN💪💪💪
❤️ Sapo ka nisur kapitulli i ri i një historie miqësie e ardhmërie, në një rrugë të përbashkët suksesi me miqtë tanë të paçmuar të Emirateve të Bashkuara, falë mbështetjes së të cilëve Shqipëria hyn edhe në hartën prestigjioze të CITY FOOTBALL GROUP, bashkë me Anglinë, Spanjën, Francën, Italinë, Belgjikën, SHBA, Australinë, Brazilin, Uruguajin, Japoninë, Indinë dhe Kinën.
