Qytetarët e Gjirokastrës janë tronditur mëngjesin e sotëm kur kanë parë 15-vjeçarin e plagosur pranë shkollës 9-vjeçare ‘Koto Hoxhi’. Një grua që ishte aty pranë kur ndodhi ngjarja e rëndë ka treguar për mediat se kanë qenë kalimtarët ata që i kanë dhënë ndihmën e parë të plagosurit dhe më pas lajmëruan ambulancën dhe policinë.
Ajo tha se djali mbante dorën te barku pasi kishte gjakderdhje, ndërsa vajza pranë tij qante.
“As nuk e pashë fare, as kush ishte djali, pashë një gocë, çfarë ke që qan, është çarë ky djali me thikë, u çorientuam, kur pashë djalin që doli gjaku, nga je i thashë, nga Tepelena jam tha, mbante barkun me dorë, gjaku vu, i dhamë ndidhmën e parë, lajmëruam policinë, e mori ambulanca, këto gjëra nuk duhet të ndodhin më, ata janë fëmijë, por prindi duhet të ketë kujdes”.
15-vjeçari me iniciale A.T është plagosur nga një 13-vjeçare pas një debati që kanë patur jashtë ambienteve të shkollës 9-vjeçare “Koto Hoxhi” në lagjen “18 Shtatori” të Gjirokastrës.
Djali është transportuar për në spital ndërsa 13-vjeçarja do të pyetet nga policia në praninë e psikologut.
