Një ngjarje e rëndë u zbulua ditën e sotme në Maliq, Korçë. Një 26-vjeçar dhe një 41-vjeçar janë arrestuar nga policia pasi një vajzë e mitur i ka akuzuar për abuzim seksual dhe shfrytëzim prostitucioni.
Por vëllai i një prej të arrestuarve ka deklaruar për mediat se akuzat e vajzës janë të pavërteta dhe se ajo është me çrregullime mendore.
Asllan Hyka vëllai i Selam Hykës, thotë se policia duhet të arrestojë vajzën 16-vjeçare pasi sipas tij ajo u shkruan djmeve dhe burrave të fshatit për marrëdhënie seksuale me pagesë.
Ai thotë se denoncimin në polici e ka bërë një djalë, që sipas tij mund të jetë i dashuri i vajzës.
“Vëllai u arrestua para dy ditësh. Janë dy budallaçka nga Leminoti, erdhën na takuan, me shante, o budalla. I kërkova ta mbyllinin gojën e të largoheshin. Policinë e ka lajmëruar një djalë. Kushedi ndonjë dashnor i saj. Erdhi policia. Nuk e di a ka bërë vëllai marrdhenie seksuale me vajzën por kjo vajza i shkruan gjithë fshatit. Bën foto dhe u thotë “Ajdeni për 30 mijë lek”, u thotë djemve dhe i gënjen. Erdhi policia, e morën vëllain. Nuk kam folur me vëllain. Nuk e di a ka kryer a jo. Ajo është budallacke, ajo thotë do t’iu arrestojë të gjithëve. Mos i lini rrugët, futeni në punë. Mos me sillni probleme. Kërko drejtësi. Nesër del dikush tjetër dhe me fut mua. Ta futin dhe vajzën në burg. Nuk e di çfarë mund të ketë bërë vëllai, unë e djalin nuk e kontrolloj dot. Por ta marrin vajzën e ta arrestojnë. Ajo del e akuzon e mua nesër. ajo me ofendonte e mua”.
