Lajmin e ka bërë të ditur e ëma e Lisës, nëpërmjet një postimi në rrjetet sociale ku ka konfirmuar dhe vdekjen e të bijës.
Lisa Marie Presley, ishtë fëmija i vetëm i legjendës Elvis Presley
“Me zemër të rëndë më duhet të ndaj lajmin shkatërrues që vajza ime e bukur Lisa Marie na ka lënë”, tha Priscilla Presley.
“Ajo ishte gruaja më e pasionuar, e fortë dhe më e dashur që kam njohur ndonjëherë. Ne kërkojmë privatësi ndërsa përpiqemi të përballemi me këtë humbje të thellë”, shtoi ajo duke mos dhënë më tepër detaje lidhur me vdekjen e saj.
Lisa Marie, gjithashtu një këngëtare, u dërgua me urgjencë në spital ditën e djeshme. Sipas mediave amerikane mësohet se 54-vjeçarja pësoi arrest kardiak. Ajo u gjet pa përgjigje në shtëpinë e saj në Calabasas, Kaliforni, thanë burimet për gazetën amerikane TMZ.
Burime të afërta të Lisa Marie Presley, për TMZ raportoI se ylli u gjet pa ndjenja në dhomën e saj të gjumit të enjten në mëngjes.
