Pas urdhrit të ministrit Bledi Çuçi për heqjen e gradave të inspektorëve Policisë së Shtetit, ka ardhur dhe reagimi i Sindikatës.
Përmes një letre të hapur Sindikata e Policisë së Shtetit Shqiptar shkruan:
“Ka një mospërputhje mes urdhrit të ministrit, ose më mirë të themi jo tek urdhri, sepse urdhri është i ligjshëm, por tek organigrama. Një pikë e organigramës që bën fjalë për ndihmës specialistët, tek disa struktura që bie ndesh me VKM-në, me vendimin e qeverisë. Sepse është lënë me një gradë. Inspektor.
Në një kohë që të gjitha strukturat e nivelit zbatues, 56 struktura që parashikohen në vendimin e qeverisë, përfitojnë të trija gradat sipas vendimit. Me ligj i takon qeverisë të bëjë ekuivalentimin e gradës me funksionin dhe këtë nuk e ka kompetencë ministri”, tha Sadedin Fishta.
