Themeluar nga YouTuberat/boksierët Logan Paul dhe KSI, Prime Hydration tashmë është pija zyrtare e UFC.
Të hënën, Paul ‘ngacmoi’ ndjekësit e tij në rrjetet sociale lidhur me UFC. Ndërsa video që ai postoi bëri që disa të besonin se zbulimi do të kishte të bënte me luftën, shumica dukej se po spekulonin për mundësinë e një marrëveshjeje biznesi, veçanërisht pasi Dana White u shfaq me një shishe gjatë një konference për shtyp në fillim të këtij muaji.
Këtë të martë ne një deklaratë për shtyp, organizata konfirmoj marrëveshjen me Prime, e cila tashmë ka siguruar marrëveshje sponsorizimi me ekipin e Premier League, Arsenal si dhe MBM Motorsport. Prime ka zgjeruar praninë e saj nepërmjet një marrëveshje trevjeçare si pija sportive e UFC-së.
Me këtë lëvizje, Prime po zëvendëson BodyArmor, e cila kishte shërbyer si pija sportive që nga viti 2017. Njoftimi theksoj se Monster Energy do të mbetet pija energjetike zyrtare e UFC.
Në një deklaratë, zëvendëspresidenti i UFC, Paul Asencio i Global Partnerships, e quajti marrëdhënien midis White dhe Paul si kyçe për marrëveshjen. Ai gjithashtu vuri në dukje se suksesi i pijes që nga fillimi i saj janarin e kaluar e bënë atë një partner të përsosur për UFC.
