Kanë qënë pa dyshim çifti më i përfolur në edicionin e parë të reality shoë Big Brother Vip Kosova.
Rreperi Kosovar Getinjo dhe modelja nga qyteti i Durrësit Vivien Thano nisën një histori dashurie brenda mureve të shtëpisë e cila po aludohej kohëve të fundit se mund ti kishin dhënë fund.
Por me anë të një postimi në rrjetin social Instagram, ka qënë vetë rreperi i cili shprehu të gjithë ngarkesën që që po përjeton së fundmi dhe nevojën për t’u shkëputur nga shumë gjëra.
“Përshëndetje njerëz të dashur, uroj që jeni mirë krejt. Unë do të largohem pak nga rrjetet sociale për arsye personale! Kam pak një fazë depresioni dhe më duhet të jem pak larg këtyre aplikacioneve! Ju dua. Qëndroni pozitivë”, shkruante Getinjo në Instastory. Gjë e cila u përforcua edhe nga partnerja e tij Vivien e cila po ashtu në Instastory shprehu nevojën e Getinjos për një pushim, duke kërkuar mirëkuptim nga ndjekësit.
Burime pranë çiftit bëjnë të ditur se Getinjo dhe Vivien do bëhen së shpejti prindër, por rreperidhe bukuroshja durrsake kanë preferuar të mos e ndajnë me publikun duke e shijuar në privatësi këtë periudhë të ëmbël.
Kujtojmë që Vivien dhe Getinjo nisën një nga lidhjet më të bukura të dashurisë në “Big Brother VIP Kosova”, që vazhdoi edhe pas daljes së tyre duke u kthyer në një nga çiftet më të komentuar në media e rrjete sociale.
