Një ish-firmë e marrëdhënieve me publikun për Twitter paditi kompaninë e mediave sociale të premten, duke thënë se nuk i ka paguar faturat që nga blerja e Elon Musk.
Joele Frank tha se Twitter i detyrohet 830,498 dollarë, duke përfshirë gjashtë fatura të papaguara.
Firma e marrëdhënieve me publikun tha se Twitter përfundoi kontratën e saj më 16 nëntor, tre javë pas mbylljes së blerjes dhe nuk ka asnjë komunikim nga zyrtarët e kompanisë që prej kësaj date.
Twitter, i njohur gjithashtu si X Corp, nuk ka më zyrë për marrëdhënie me median. Ajo iu përgjigj një kërkese për koment mbi padinë me një emoji. As avokati i Elon Musk nuk i përgjigjet zyrtarëve të firmës në fjalës.
Sipas ankesës së saj në një gjykatë të shtetit të New Yorkut në Manhattan, Joele Frank filloi të punojë për Tëitter në janar 2015,
Shumë pronarë, shitës dhe konsulentë kanë paditur Twitter për faturat e papaguara që Musk trashëgoi kur bleu kompaninë, përpara se të niste pushimin nga puna të qindar punonjësve.
Twitter është paditur gjithashtu në Delaware nga tre ish-drejtues, duke përfshirë Parag Agraëal, të cilin Musk e rrëzoi si CEO, për të cilin thonë se ka shkelur detyrimet për të rimbursuar më shumë se 1 milion dollarë tarifa ligjore.
Musk gjithashtu ka thënë se Twitter mund të gjenerojë flukse parash pozitive që në këtë tremujor, pavarësisht nga një rënie në të ardhurat nga reklamat.
Sipas raporteve të publikuara, personi i dytë më i pasur në botë, i cili gjithashtu drejton kompaninë e makinave elektrike Tesla Inc, ka vlerësuar se Twitter ka humbur më shumë se gjysmën e vlerës së tij që kur e bleu atë.
