Revista prestigjoze amerikane “Time”, si çdo vit ka publikuar listën vjetore të 50- vendeve në të bukura në botë që duhen vizituar. Një ndër to është edhe qyteti i një mbi një dritareve Berati.
Lista u ideua nga rrjeti ndërkombëtar i korrespondentëve dhe kontribuesve të TIME. “Lista që zgjodhëm pasqyron edhe tendencat përsa u përket udhëtimeve. Shumë vendndodhje në këtë listë po gjejnë mënyra për t’i lejuar turistët t’i vizitojnë pa ndikuar te mjedisi,” thanë përfaqësues të “TIME” për CNN.
“Disa vende u përgjigjen dëshirës së udhëtarëve për të pasur përvoja unike lokale.”
Ja disa arsye pse duhet ta vizitoni Beratin:
– Kalaja: Brenda mureve të kalasë jetojnë ende banorë të qytetit. Pasi të keni ecur në rrugët e pjerrëta me kalldrëm, një piknik nën hijen e pemëve, me pamjen e lagjes së Goricës do të ishte fantastike për ta ndryshuar pak rutinën.
– Gorica dhe Mangalemi: Të dyja lagjet kanë karakteristikë rrugicat e ngushta me kalldrëm. Mangalemi duket sikur imiton formën e një piramide me shtëpitë e bardha që mbivendosen me njëra-tjetrën. Prandaj edhe Berati ka marrë emrin si “Qyteti i një mbi një dritareve”.
