Policia Kufitare e Rinasit ka arrestuar 3 shtetas turq pasi tentuan të kalonin kufirin me dokumente të falsifikuara.
Sipas informacioneve të uniformave blu, shtetasi H. A., dyshohet se ka kaluar shtetas të huaj me falsifikm dokumenti drejt Francës si dhe janë bërë kontrolle dhe për shtetasit, I. C., dhe R. B.
Nga kontrollet e thelluara iu janë sekuestruar në cilësinë e provës materiale dokumenta fallco më të cilat kanë bërë të mundur kalimin ilegal të shtetasve të huaj.
NJOFTIMI POLICISE
Finalizohet operacioni policor i koduar “Last guide”.
Tentuan të kalonin kufirin, me dokumente të falsifikuara, arrestohen në flagrancë 3 shtetas turq. Për njërin prej tyre disponohej informacion se kishte ndihmuar shtetas të huaj, për të kaluar kufirin, me dokumente të falsifikuara.
Sekuestrohen dokumente identifikimi të dyshuara të falsifikuara.
Shërbimet e Policisë Kufitare Rinas, në vijim të kontrolleve të detajuara të dokumentacionit që paraqesin shtetasit që hyjnë dhe dalin në këtë pikë të kalimit kufitar, bazuar dhe në informacionet e shkëmbyera me partnerët francezë, kanë organizuar dhe finalizuar operacionin policor të koduar “Last guide”, për goditjen e tentativës për të kaluar kufirin në mënyrë të paligjshme, me dokumente false.
Si rezultat i këtij operacioni u arrestuan në flagrancë shtetasit I. C., 34 vjeç, R. B., 19 vjeç dhe H. A., 38 vjeç, të tre banues në Turqi.
Shërbimet e Policisë, pas informacioneve të shkëmbyera me partnerët francezë, se shtetasi H. A. dyshohej se kishte ndihmuar për të kaluar kufirin në mënyrë të paligjshme, dy shtetas të tjerë, menjëherë kanë kontrolluar dokumentet e tij dhe të shtetasve I. C. dhe R. B.
Gjatë kontrolleve, shërbimet e Policisë iu gjetën këtyre shtetasve, dokumente identifikimi të dyshuara të falsifikuara, të cilat u sekuestruan në cilësinë e provës materiale.
Materialet i kaluan Prokurorisë, për veprime të mëtejshme procedurale.
