Policia ka identifikuar njërin prej autoreve të dyshuar të sulmit ndaj avokatit Sokol Mëngjesi mëngjesin e kësaj të premteje. Dyshohet se ishin tre persona që dhunuan avokatin me grushte e sende të forta. Ndërkohë, blutë kanë ushtruar kontroll në banesën e personit që është identifikuar, thanë burime policore.
Ngjarja ka ndodhur rreth orës 08:50, në zonën e ish-Bllokut. Sipas policisë, Mëngjesi është goditur nga persona të paidentifikuar dhe është dërguar në spitalin e Traumës për të marrë ndihmë mjekësore.
Gjendja e tij shëndetësore është e stabilizuar, ndërsa një hetim ka nisur për identifikimin dhe kapjen e autorëve, shtuan të njëjtat burime.
