Ka reaguar shefi i Krimeve në Shkodër, Pëllumb Shpati pas shpërthimit me tritol në banesën e tij.
Në një komunikatë për media, është shprehur se nuk ka konflikt me asnjë person dhe nuk është në dijeni se nga nuk kush mund të jetë vënë lënda plasëse në banesën e tij.
Më herët anë një prononcim, babai i tij u shpreh se dyshon se lënda C4 iu është vënë për shkak të detyrës së të birit. Ndër të tjera, ai pohon se në vilën tre katëshe banojnë 3 familje, gjithësej 17 persona.
“Ishim 17 vetë. tre familje deri në kat të tretë. Ishte i fuqishëm. Ka shkatërruar çfarë ka qenë. Ka dëme në dritare, dyer, fasada, makina. Nuk e di se pse ka ndodhur. Kam qenë në gjumë. Mund të ketë ndodhur për shkak të detyrës sepse ne nuk kemi ngatërresa me askënd. Nuk i kam borxh kujt. Kërkojmë që shteti të bëjë punën” u shpreh i ati.
“Grupi i posaçëm hetimor i ngritur për zbardhjen e kësaj ngjarjeje, nga veprimet e para hetimore, ka siguruar prova që do të çojnë në identifikimin dhe kapjen e autorit/ëve. Nën drejtimin e Prokurorisë pranë Gjykatës së Rrethit Gjyqësor Shkodër, vijon puna për zbardhjen e rrethanave të kësaj ngjarjeje.”, ka njoftuar policia.
