Një aksident i rëndë me pasojë vdekje ka ndodhur mbrëmjen e djeshme në aksin rrugor “Librazhd-Përrenjas”.
Policia ka bërë me dije se drejtuesi i mjetit, 21-vjeçari banues në Qukës, është vënë në pranga.
Aksidenti ndodhi mbrëmjen e djeshme, ku mjeti me drejtues 21-vjeçarin M.Z i cili po ecte me shpejtësi, ka humbur kontrollin duke dalë nga rruga dhe përfunduar disa metra më poshtë në rrëpirë.
Nga aksidenti ka humbur jetën një person me inicialet D.B. dhe kanë mbetur të plagosur dy persona të tjerë.
