Lavdosh Metaj, ish-efektivi i policisë i cili u arrestua në vitin 2021 për shpërndarje kokaine, është plagosur me thikë në Sarandë.
Ngjarja ka ndodhur rreth mesnatës në parkimimin e një hoteli në lagjen nr.1 të qytetit.
Sipas informacioneve të deritanishme, ish-efektivi i Shqiponjave, i cili ishte liruar 3 muaj më parë nga burgu, është goditur me thikë nga roja i hotelit pasi nuk ka pranuar të kryejë pagesën për parkimin.
Lavdosh Metaj u arrestua më 12 qershor 2021 dhe në momentin e arrestimit në flagrancë, efektivit iu sekuestruan 11 doza kokainë, me peshë totale 5 gramë, ndërsa gjatë kontrollit në shtëpi, iu gjetën edhe 165 gramë, lëndë narkotike, e të njëjtit lloj, kokainë, si dhe një peshore elektronike.
