Këngëtarja kolumbiane me famë botërore Shakira mund të ketë gjetur dashurinë. Kështu pretendojnë mediat spanjolle, të cilat kanë bërë të ditur se artistja është fotografuar krah një burri misterioz.
46-vjeçarja po zhvendoset në Florida pasi nënshkroi një marrëveshje për kujdestarinë e fëmijëve me ish partnerin Gerard Pique.
Mediat spanjolle thonë se nëna e dy fëmijëve mund të ketë një arsye tjetër për të përshpejtuar lëvizjen e saj në Miami, e kjo për shkak të një burri misterioz.
“Duket se këngëtarja kolumbiane po kalon me mashkullin misterioz që e takoi në Miami dhe ka qenë në kontakt me të për katër muaj.”
Kujtojmë se Shakira dhe Pique i dhanë fund lidhjes së tyre pas 11 vitesh së bashku. Ata nënshkruan marrëveshjen në një gjykatë në Barcelonë muajin e kaluar. Si pjesë e marrëveshjes, futbollisti Pique, tashmë në lidhje me bukuroshen katalanase Clara Chia, 23 vjeç, do të kalojë pushimet me fëmijët e tij.
