Një aktor është përzgjedhur të luajë në rolin e Michael Jackson në një film të ardhshëm, dhe ai është Jaafar Jackson, nipi i Michael, i cili do të luajë rolin e xhaxhain e tij në film.
Jaafar është i gjashti nga shtatë fëmijët e vëllait të madh të Michael, Jermaine Jackson. Nëna e Jaafar është Alejandra Genevieve Oaziaza. Por ka një ‘kleçkë’: Alejandra kishte dy fëmijë me vëllain e vogël të Jermaine, Randy, me të cilin ishte në një lidhje para asaj me Jermaine. Pra, fëmijët e saj janë kushërinj të parë me gjysmëvëllezërit e tyre. Një situate paksa e ngatërruar mund të themi.
Jaafar, emri i të cilit mund të jetë frymëzuar nga filmi vizatimor “Mbreti Luan”, i ngjan shumë Michael Jackson para operacionit plastik, vitiligos dhe zbardhjes së lëkurës. Ai është gjithashtu majft i talentuar. Ai thotë në një Tweet: “Jam i përulur dhe i nderuar që sjell në jetë historinë e xhaxhait tim Michael. Për të gjithë fansat në të gjithë botën, do të shihemi së shpejti.”
Është ironike që është fëmija i Jermaine që do të luajë Michael. Tensioni mes dy vëllezërve arriti kulmin kur Michael ishte gjallë, dhe pasi vëllai i vogël u nda nga Jackson 5 për të pasur një karrierë të madhe solo. Jermaine e kundërshtoi suksesin dhe shkroi një libër mallkim për Michael.
