Sokol Plepi është një banor i Roskovecit, i cili ka emigruar dhe punuar jashtë trojeve shqiptare. Kursimet e tij nga emigracioni i investoi në një fabrikë të përpunimit të mbetjeve plastike.
Biznesi i tij që ndodhet në Kuman të Roskovecit mbulonte prej dy vitesh tregun e kubikëve që përdoren në bujqësi në të gjitha territoret e Shqipërisë. Ndërtimi i biznesit të tij nuk ka qenë aq i lehtë për të, pasi shpjegon sakrificat e punës tetë vjeçare në Greqi bashkë me vëllain e tij.
Gjatë një interviste biznesmen Sokoli shprehet se “Edhe në shtetin grek punoja në një fabrikë të përpunimit të mbetjeve plastike dhe këtë përvojë e solla në Kuman. Nga një punishte e vogël ku zhvillova këtë aktivitet për 6 vjet, arrita që para 2 vitesh me të ardhurat tona financiare të ndërtoja objektin dhe makineritë që kryejnë të gjitha proceset teknologjike të përpunimit dhe prodhimit plastik të kubikëve të fidanëve për bujqësinë dhe deri te vazot e luleve”.
Kujtojmë se pas eksperiencës së fituar dhe kursimeve të arritura prej tij dhe vëllait, ata arritën të ndërtonin biznesin e tyre me plot mund dhe sakrifica por tani sipas raportimit të tij i duhet ndihma e shtetit për t’ia dalë mbanë. Gjithashtu e ka të pamundur të realizojë prodhimin e energjisë nga panelet diellore me panelet diellore.
