Xhonatan Islami është një nga konkurrentët më të rinj në shtëpinë e “Big Brother Vip Albania”. Këtë eksperiencë unike ai e nisi jo me këmbë të mbarë pasi që javën e parë është në nominim, si një dënimi nga “Vëllai i Madh” pasi ndau informacione nga jashtë me Olta Gixharin.
Në lidhje me këtë ngjarje, por edhe me debatin që bëri me Luizin, pasi i zuri shtratin ditën që hyri në shtëpi, babi i tij, parashutisti Alket Islami ka diçka për të thënë.
“Shoh një arrogancë dhe zhurmë shumë të madhe brenda. Aty duhet të ketë një festë. Jam dakord me produksionin sepse Xhoni për mua nuk duhet të thoshte asnjë lloj informacioni. Qoftë për mirë apo për keq. Pjesa tjetër që nuk më erdhi mirë ishte pjesa e krevatit. Ka tre-katër derivate situatash. Arbri nuk tha nuk do kisha luajtur nga vendi. Nëse ndodhte kjo, Luizi mund të konfrontohej. Djali im ose është i qetë ose merr flakë, dhe mund të kishim reaksion dinamik. Varianti tjetër ishte të çohej dhe të thonte kujt i flet ti kështu. Luizi erdhi i karikuar. Maestro shkon i thotë në derë Luizit se ka ardhur një djalë dhe i rriti moshën djalit duke thënë 32-vjeç”, deklaroi Islami.
