Prej kohësh në rrjet është aluduar për një film ku disa nga ish banorët e Big Brother Vip Albania edicioni i dytë do të luajnë sëbashku.
Në intervistën e dhënë në podcastin e kryeministrit Edi Rama, këngëtari 37-vjeçar u shpreh se shumë shpejt do ta shikonim në projekte të ndryshme, ku përfshiheshin dhe filmat por asnjë detaj më tepër.
Por vulën këtyre aludimeve ja vuri gazetari Blendi Salaj i cili dha disa detaje të reja nga filmi ku dyshja Luiz Ejlli dhe Olta Gixhari do të luajnë krahë njëri tjetrit.
Salaj u shpreh se dyshja që dikur luftonin dhëmb për dhëmb me njëri tjetrin, duket se kanë vendosur të ulin armët e armiqësisë dhe të performojnë krahë njëri tjetrit.
Moderatori tha se dyshja luajnë rolin e të dashuruarve, ndërkohë që vjehrra i bën magji Oltës.
“Çifti më i madh ose më i rëndësishëm i momentit, mund të mos jetë Luiz-Kiara, por mund të jetë Luiz Olta”– u shpreh ai.
“Flitet për një film të mundshëm ku Luizi dhe Olta do të jenë protagonistë të filmit ku ata luajnë një çift ku vjehrra i bën magji nuses që është Olta. Vjehrrën mund ta luajë Kiara (them unë)”- shtoi Salaj.
