Rihanna dhuroi një shfaqje elektrizuese në Super Bowl halft-time show, por interneti “u çmend” kur këngëtarja zbuloi një të ftuar special.
Në një intervistë javën e kaluar, këngëtarja u pyet nëse do të kishte ndonjë surprizë gjatë performancës së saj në stadiumin State Farm të Arizonës.
“Po mendoj të sjell dikë”, u përgjigj ajo. “Nuk jam e sigurt, do të shohim.”
Natyrisht, fansat supozuan se ajo po fliste për një nga shumë artistët me të cilët ka bashkëpunuar gjatë karrierës së saj, si Jay-Z, Drake apo Eminem.
Brenda një ore nga përfundimi i performancës së Rihanna-s, teksa fansat aludonin nëse ishte apo jo shtatzënë, përfaqësuesit e saj konfirmuan zyrtarisht lajmin. Po, Rihanna është sërish shtatzënë, 9 muaj pasi solli në jetë fëmijën e saj me A$AP Rocky-n.
Tani do të na duhet të presim ende për albumin e shumëpritur…Sidoqoftë, jemi të lumtur për RiRi-n.
