Një 44-vjeçar shqiptar ka humbur jetën në një aksident tragjik në Itali.
Lorenc Koleci, po udhëtonte me skuter bashkë me një shqiptar tjetër, rreth të 40-tave, kur u aksidentua pak metra larg Piazzale Ostilio Ricci, në Fermo. Mjeti me dy rrota, në të cilin ndodhej shqiptari dhe bashkatdhetari dyshohet se ka rrëshqitur dhe ka përfunduar në një nga shtyllat prej betoni që ndodheshin mes rrugës dhe trotuarit.
Aksidenti ka ndodhur në kthesën midis Torretta dhe Piazza Ostilio Ricci , në rrugën që shkon më pas drejt Piazza del Popolo. I plagosuri është transportuar në spitalin Murri në Fermo dhe pastaj me urgjencë në spitalin Torrette në Ankona.
Rruga është mbyllur përkohësisht për qarkullim dhe hetimet e policisë vijojnë për të rindërtuar dinamikën e aksidentit.
