Ditën e sotme, në fshatin Bruz-Zallë të Krujës, u plagos shtetasi A.A., 42 vjeç nga shtetasi I.K., 52 vjeç. Konflikti ndërmjet dy bashkëfshatarëve ka ndodhur për çështjen e bagëtive.
42 vjeçari Arben Asllani është plagosur me armë zjarri nga bashkefshatari i tij i cili më pas eshte larguar nga banesa. I plagosuri u dërguar në fshatin fqinj nga familjarët nga një rrugë e vështirë e mbuluar nga ngricat e dëborës dhe më pas u dërgua me autoambulancë në spitalin e traumës.
Kjo nuk është hera e parë që shtetasi I.K. ka kryer plagosje, pasi 52 vjeçari disa vite më parë ka plagosur nje tjeter bashkefshatar. Ndërsa i plagosuri ishte person në kërkim nga policia si i dyshuar për prodhimin e lëndëve narkotike në zonën e malësisë. Mbetet që policia ditën e nesërme të vijojë operacionin për kapjen dhe arrestimin e autorit te plagosjes së sotme ne Bruz Zallë.
