Sokol Sinomat nuk shijoi as 24 orë liri! Mbrëmjen e 7 janarit 2024, Sokol Sinomatit i ekzekutuan të birin me snajpet në ballkonin e shtëpisë, 23-vjeçarin, Gëzim Sinomati. Sokol Sinomati, ka qenë pjesë e bandës së “Gaxhait” në vitin 1997 në Vlorë. Ai ishte i dënuar për vrasjen e ndodhur në 3 janar të vitit 2000, ku gjatë një tentative për të ekzekutuar Sokol Nuho, ka qëlluar gabimisht Luigj Xhafën, kalimtar të rastit.
Ditën e djeshme Sokol Sinomati u lirua nga burgu pasi përfitoi nga amnistia penale. Pa orë pasi u lirua nga burgu pasi përfitoi nga ligji i amnistisë penale Sokol Sinomati, i njohur ndryshe si “Buzëderri” u vendos sërish në pranga. Mësohet se Sinomati u vendos në pranga nga policia e Vlorës pasi ai rezulton i dënuar me 12 vite burg nga drejtësia italiane për drogë.
Pak orë pas lirimit blutë e Vlorës kanë shkuar në banesë dhe e kanë arrestuar përsëri. Urdhëri i drejtësisë italiane kishte pak kohë që ishte në dorë të policisë shqiptare, por nuk dihet pse nuk është ekzekutuar më përpara, ndërkohë Policia e Vlorës ka ndërhyrë pasi Sinomati është liruar.
