Shqiptari i deportuar nga Anglia për të vuajtur dënimin në Shqipëri, bën jehonë në mediat britanike. Mirpo lëvizja e rradhës së Aleksandër Vishaj, kthimi përsëri në Angli duke pozuar në rrjetet sociale pasurinë maramendase, Lamburgini e bardhë.
33- vjeçari në vitin 2021 u ekstradua nga Britania e Madhe nën akuzat e vjedhjeve dhe demtimeve kriminale në Gjermani. Në këtë shtet ai vuajti dënimin për 3 muaj para se të dërgohej në Shqipëri, ndonëse duhej të dërgohej në Britani pas një goditjeje kriminale.
Prestigjozja “The Sun” në artikull shkruan se reperi i rremë, është kthyer edhe më i guximshëm duke e quajtur veten “Mbreti i TikTok” në faqen ku ai mburret se jeton si një yll rock në MB.
33-vjeçari pretendon se ka hequr dorë nga krimi dhe këmbëngul se financon stilin e jetës së tij me shampanjë si një lojtar profesionist pokeri, videograf. Ai shihet duke reklamuar rroba të shtrenjta, dhe një Lamborghini Gallardo Spyder të regjistruar në Britani, me vlerë 70,000 paund.
Vishaj postoi një video javën e kaluar nga një apartament luksoz në Londër, duke bërë thirrje për mbështetje nga bashkëqytetarët shqiptarë në një lojë pokeri online.
Ai mendohet se ka përdorur një pasaportë të rreme për t’u kthyer në Mbretërinë e Bashkuar me avion pasi kishte hyrë legalisht në një vend të BE-së.
I riu shqiptar është një nga shumë kriminelë shqiptarë, shkruan “The Sun”, që sfidojnë autoritetet angleze.
“Bandat shqiptare kanë ardhur në Britaninë e Madhe gjatë dy dekadave të fundit duke marrë kontrollin e tregut të kokainës në vend. Modeli i tyre i biznesit bazohet në të qenit ‘të lirë dhe të shpejtë’”, shkruan “The Sun”.
