Aktorja e njohur turke Demet Ozdemir pak kohë pas celebrimit ka nënshkruar divorcin me kantautorin Oguzhan Koc. Aktorja dhe këngëtari janë parë disa ditë më parë në gjykatë për t’i dhënë fund zyrtarisht martesës.
Gjatë kohëve të fundit çifti është vënë në qendër të mediave për shkak të lajmeve që nisën të përhapeshin për një krizë në martesë. Derisa ata e pranuan edhe publikisht se i kanë dhënë fund marrëdhënies së tyre.
Mediat Turke, raportojnë se Demet Ozdemir dhe Oguzhan Koc janë divorcuar në vetëm një seancë gjyqësore, pa qenë nevoja për seanca të ndërmjetme pajtimi. Megjithëse prej kohësh, ata jetojnë të ndarë, para se të futeshin në gjykatë, Demet është fotografuar e para dhe Oguzhan pak minuta pas saj.
Oguzhan Koc është rikthyer edhe në koncertet e tij, por fansat i kanë publikuar një video duke festuar 38-vjetorin e lindjes, në të cilën këngëtari nuk ishte në formën e tij më të mirë.