Këngëtari i njohur spanjoll Julio Iglesias shpesh herë ka shfaqur probleme me memorien, duke mos kujtuar tekstet e këngëve të tij.
Kjo gjë i ka shqetësuar tej mase adhuruesit e këngëve të tij.
Gjatë një programi televiziv në Argjentinë kushtuar Iglesias, drejtuesit diskutuan për shëndetin e këngëtarit, duke lënë të kuptohet se një dëmtim i vjetër nga një aksident automobilistik në vitin 1962 po i shkakton atij dhimbje të konsiderueshme, duke e bërë atë në karrige me rrota. Gjithashtu, u raportua se ky lëndim ka ndikuar negativisht në shëndetin e tij mendor.
Gazetarja Cora Debarbieri, e ftuar në emision, ka treguar se Iglesias ka pësuar një aksident të rëndë në moshë të re që kërkonte ndërhyrje në shtyllën kurrizore. Kjo ngjarje e mundoi atë me dhimbje kronike dhe vështirësi të ndryshme gjatë gjithë jetës së tij.
Një tjetër drejtues i emisionit Matías Vázquez, shpjegoi më tej gjendjen e këngëtarit, duke u shprehur se ai e ka të vështirë jo vetëm të lëvizë, por edhe të kujtoj gjërat. “Fatkeqësisht, Julio Iglesias ka arritur në pikën që nuk i kujton më këngët e tij”, tha Vazquez.
