Gjergj Zaharia, babai i Elia Zaharias, ish-bashkëshortes së princ Lekës, ka denoncuar ish-dhëndrin për dhunë.
Ai e akuzon princin se e ka dhunuar dhe ofenduar me fjalë të rënda, ndërsa hedh poshtë pretendimet e tij se e ka goditur. Ai thotë se princi është shumë i gjatë dhe nuk mund ta godasë.
“Princi ishte i dhunshëm ndaj meje dhe më ka folur me një gjuhë të ashpër. Nuk e kam dhunuar, vetëm jam mbrojtur. Unë jam 70 e ca kusur vjeç dhe nuk qëndroj dot në këmbët e mia, jo më të godas me shkelma princin që është 2 metra i gjatë.”
Kujtojmë se e gjithë ngjarja ka ndodhur pasditen e djeshme pasi princi ka shkuar të takojë vajzën e tij. Princi ka deklaruar se ish-vjehrri e ka fyer dhe pastaj ka nisur ta godasë me shkelma e sende të forta (statujë druri). Pas këtij sherri, princi është paraqitur në spitalin “Nënë Tereza” për trajtim mjekësor dhe pas denoncimit në polici ka kërkuar urdhër mbrojtje.
