Koncesioni i markimit me kosto për qytetarët “1 lek në çdo një litër karburant” përfundon në gusht të këtij viti dhe nuk do të rinovohet më.
Në çastin që ky koncesion do të përfundojë, edhe tarifa e aplikuar nga koncesionari do të hiqet dhe nuk do të ketë vazhdim të aplikimit të tarifës së markimit te qytetarët dhe bizneset. Kostot e shërbimit do të përballohen nga buxheti i shtetit.
Gjithashtu, sa i përket koncesionit tjetër, atij të pullave fiskale, Ministri i Financave vuri në dukje se për miratim në seancën e fundit plenare, atë të ditës së nesërme janë ndryshimet ligjore për të hequr koncesionarin nga dispozitat e ligjit të akcizave, si dhe për të hequr prerogativat e koncensionarit nga ky ligj.
Mbetet për t’u parë nëse ky vendim do të çojë në uljen e çmimit të naftës nisur nga muaji i ardhshëm.
