Një aksident ka ndodhur mëngjesin e sotëm në aksin Korçë-Bilisht ku dy automjete janë përplasur me njëri tjetrin.
Burime bëjnë me dije se njëri prej drejtuesve të automjeteve ka qënë në gjëndje të dehur, duke plagosur shtetasin me inicalet A.M i cili është jashtë rrezikut për jetën.
Policia ka arrestuar 30-vjeçarin me inicialet R.B i cili në gjendje të dehur ka përplasur një tjetër automjet.
Ja njoftimi i Policisë:
Specialistët e Trafikut Urban dhe Interurban në DVP Korçë arrestuan në flagrancë shtetasin R. B., 30 vjeç, banues në fshatin Vranisht, Devoll. Ky shtetas, duke drejtuar automjetin tip “Benz”, në aksin rrugor “Korçë-Bilisht”, pranë kryqëzimit të fshatit Progër, është përplasur me automjetin tip “Benz”, me drejtues shtetasin A. M., i cili për pasojë është dëmtuar dhe ndodhet në spitalin e Korçës, jashtë rrezikut për jetën.
Pas kryerjes së testit të alkoolit, rezultoi se 30-vjeçari R. B. e drejtonte automjetin, në gjendje të dehur.
