Një spektakël i trishtë u servir mbrëm nga “Vëllai i Madh” . Ndryshe nga çdo herë që jemi mësuar të shohim debate e surpriza, mbrëmja së martës dukej se ishte një homazh për sulmin që ju bë mëngjesin e 27- marsit godinës së Top Channel, ku humbi jetën roja i sigurisë 60-vjeçari Pal Kola.
Moderatorja e programit Arbana Osmani u ka komunikuar banorëve se është në dorën e tyre nëse finalja e menduar në datën 6-maj të jetë më herët.
Banorët janë prekur nga materiali që ju servir në ekran, ku Luizi pasi shprehu ngushëllime për familjarët ka thënë se:
Luizi: Ngushëllime familjarëve . Po qaj se unë e kam njohur edhe jashtë rojen. Më vjen shumë keq. Jam i bindur që ai lloj sulmi nuk ka qenë për ne. Këtë duhet ta them për të gjithë banorët. Kjo godinë, kjo media është me e sigurtë se çdo ambasadë. Uroj që autoritetet ligjzbatuese ta zbardhin sa më shpejt. Është një akt makabër, akt terrorist. Mund të them që të gjithë bashkë mund t’ia dalim duke i dhënë forcë njëri-tjetrit dhe duke patur mbështetjen tuaj. Ju jeni forca jonë! Ne këtu brenda jemi shumë të sigurtë dhe kemi njëri-tjetrin. Debatet këtu shumëzohen me zero, përpara kësaj ngjarje. I them familjarëve të Kolës se çfarë do të marr me vete nga ky rrugëtim, një pjesë të konsiderueshme do ia dhuroj.
Ajo që nuk prisnin banorët ishte vizita e pa zakontë e dy opinionistëve të programit Arbër Hajdarit dhe Zhaklinë Lekatarit.
Ata kishin marrë me vete një tortë, me rastin e ditëlindjes së Nitës. Zhaklina dhe Arbër i uruan Nitës ditëlindjen dhe u takuan me të gjithë banorët e tjerë.
Të gjithë së bashku dolën në oborr për të darkuar dhe për të festuar ditëlindjen e Nitës.
Me batuta e dolli banorët së bashku me mysafirët u përpoqën ta harronin sa do pak atë që kishte ndodhur.
Përgjigjen se a dëshirojnë ta mbyllin më herët këtë edicion të dytë të Big Brother, banorët do ta japin të shtunën në mbrëmje.
