Një ngjarje e rëndë ka ndodhur në qytetin e Peqinit, ku një shtetas 52-vjeçar ka qëlluar me armë zjarri ish-kreun e Partisë Demokratike Diell Çela.
Mësohet se 55-vjeçari u qëllua pas një konflikti që kanë patur me njëri tjetrin.
I plagosuri ndodhet në spital jashtë rrezikut për jetën ndërsa autori ende është në gjëndje të lirë.
Objektivi i sulmit me armë, shtetasi Diell Çela ka qënë më parë kryetar i Partisë Demokratike, dega Peqin.
Ja njoftimi i Policisë:
Peqin/Informacion paraprak
Rreth orës 11:10, në spitalin e Peqinit, është paraqitur për të marrë ndihmë mjekësore dhe ndodhet jashtë rrezikut për jetën, shtetasi D. Ç. 55 vjeç, banues në Peqin, i cili dyshohet se është dëmtuar me armë zjarri, gjatë një konflikti me shtetasin S. D., rreth 52 vjeç, banues në Peqin.
Shërbimet e Policisë kanë ngritur pika kontrolli dhe janë duke kontrolluar territorin, me qëllim kapjen e autorit të dyshuar, shtetasit S. D.
Grupi hetimor, në drejtimin e Prokurorisë, po punon për zbardhjen e rrethanave të ngjarjes.
