Një ngjarje ë rëndë ka ndodhur në ishullin e Kretës në Greqi. Një fëmijë rreth 7-vjeç me origjinë shqiptare, humbi jetën ditën e sotme pasi u mbyt në det.
Mësohet se familja e tij kishte një shtëpi pranë detit dhe se mamaja e djalit e kishte ndaluar atë të futej në det për shkak të dallgëve dhe motit jo të mirë.
Por duket se 7-vjeçari nuk i ishte bindur së ëmës dhe ishte futur në det. Fatkeqësisht ky veprim rezultoi fatal pasi i mituri humbi jetën duke u mbytur në det.
Ishte një nga banorët i cili vuri re trupin e të miturit që qëndronte përmbys mbi det dhe dha menjëherë alarmin.
Por fatkeqësisht edhe pse u transportua në spital, i mituri nuk arriti të mbijetonte.
