Edhe pse dhe pak ditë na ndajnë që të vijë zyrtarisht stina e verës, Federica Nargi e sjell atë përpara kohe. Modelja e njohur italiane është mjaft aktive në rrjetet sociale, teksa shpeshherë nuk heziton të bëjë postime të ndryshme në Instagram.
Partnerja e ish-futbollistit Alessandro Matri i ka lënë të gjithë pa fjalë, me disa imazhe të shpërndara. Nargi ka ndarë me ndjekësit disa foto të realizuara gjatë një seti fotografik, të cilat e portretizojnë me të brendshme të kuqe dhe që e nxjerrin më sensuale se asnjëherë.
Në përshkrim të fotos nuk është shkruar asgjë, thjeshtë është zgjedhur të përdoret një emoji. “E mrekullueshme”, “wow sa e bukur”, apo edhe “mahnitëse” ishin vetëm disa nga komentet që të bien në sy. Fotoja ka marrë mbi 86 mijë postime.
Federica Nargi ka lindur në Romë, në vitin 1990. Pasi kishte ndjekur një shkollë kërcimi që në fëmijëri dhe kishte marrë pjesë në konkurse të ndryshme bukurie, në vitin 2007 Nargi u rendit e 11-ta në finalen e Miss Italia. Pjesa tjetër është…histori.
