Aktori i njohur i humorit Elvis Pupa ka ironizuar ligjin e miratuar nga Parlamenti për rritjen e rrogave të ministrave dhe depuetetëve.
Pupa që së fundmi po qëndron në Shqipëri pas daljes nga Big Brother, është bërë mjaft aktiv në rrjete sociale, duke vazhduar një sërë videosh satirike dhe ironike kundrejt situatave të aktualitetit në vendin tonë. Sëfundmi aktori ka publikuar në llogarinë e tij në Instagram një video në të cilën ironizon rritjen e pagave të ministrave dhe deputetëve, ligj i cili u miratua nga Kuvendi.
“Na qenkan irrituar njerëzit pse qeveria rriti me 100% shtesë pagat e deputetëve, kurse shtresat e tjera hec mo.. Po normal se deputeti le të themi mer 2 miljon lekë, 100% shtesë i bie 4 miljon lekë, ka kuptim rritja e rrogës janë goxha të ardhura.
Po kujt t’ia rrisi sipas jush pensionistëve? Ato 200 milekë marin edhe 100% me ja rrit rrogën prap 400 milek shkon, e ça me bo një pensionist me 400 milek në këtë vend që jetojmë me këto çmime? Domethënë të të shkojë rritja e rrogës kot, është e menduar”, -përfundon Pupa.
