Janë zhvilluar zgjedhjet në shtëpinë më të përfolur në vend, ku u përzgjodh dhe qeveria e Big Brother Vip Albania. Banorët votuan, ndërsa rezultati final u shfaq në monitor.
Krist Aliaj u zgjodh President, Luiz Ejlli u zgjodh kryeministër, Efi Dhedhes kryetare e Parlamentit, Elvis Pupa ministër i drejtësisë, Qetsor Ferrunaj ministër i brendshëm, Jori Delli avokate e popullit, ndërsa Dea, Bledi, Keisi, Kiara dhe Nita janë populli, të cilët do adresojnë problematikat e tyre.
Përmes një zarfi të bardhë, Vëllai i Madh futi edhe Kushtetutën, në të cilën shpjegohen edhe rregullat për secilin zyrtar, për sovranitetin që i përket popullit, si dhe shpejgohen disa rregulla të rëndësishme për mbarëvajtjen e programit.
Banorëve u dhanë edhe disa tema që mund të trajtonin me njëri-tjetrin, si dhe kishin mundësinë të shtonin të tjera.
Avokati i popullit, Jori, pas çdo përfundimi të një diskutimi përkatës, do shprehë pëlqyeshmërinë ose jo të tij.
