Vazhdojnë të shfaqen në spitalin e Bulqizës persona të cilët janë helmuar nga uji.
Në mëngjesin e së shtunës në këtë spital janë shtruar me urgjencë rreth 50 persona që fillimisht dyshohej se ishin helmuar nga uji.
Por rastet u shtuan të djelën dhe u konfirmua plotësisht se shkaku i helmimit ishte pikërisht uji.
Për këtë arsye ujësjellësi vazhdon të jetë i bllokuar nga Njësia vendore e kujdesit shëndetësor Bulqizë deri në daljen e analizave përfundimtarë që përcaktojnë shkaqet e ndotjes.
Nën hetim në gjendje të lirë është vënë Kadri Muça, pronar i një HEC-i privat që dyshohet se ka ndotur ujin.
Por sipas analizave paraprake laboratorike, uji ka dalë i kontaminuar. Për këtë arsye, Ujësjellësi ka marrë masa për ndërprejen e furnizimit me ujë në zonë. Banorët janë paraqitur në qendrën shëndetësore të Gjorcës për të marrë ndihmë mjekësore, ndërsa simptomat janë diarre e të vjella.
