Shqipëria ndodhet nën ndikimin e valës së gripit sezonal, ku më të prekurit janë fëmijët dhe të moshuarit.
Shifrat zyrtare të ISHP, shënojnë rritje krahasimisht me javën e kaluar. 12 mijë persona janë rregjistuar para dy javësh, 14 mijë javën që lamë pas dhe nëse numri vijon të rritet dhe shënohen deri në 16 mijë raste, Shqipëria hyn zyrtarisht në emideminë e gripit.
Bluzat e bardha, këshillojnë që temperatura deri në 38 gradë arrihet të monitorohet në shtëpi, si dhe duhet një kujdes më i shtuar, me ushqime të pasura me vitamina, dhe ilaçe të lehta.
Nëse ka një rritje të temperaturës, qytetarët duhet t’ju drejtohen qendrave shëndetësore apo urgjencave.
Në Pediatrinë e Tiranës, raportohen shifra dita-ditës në rritje, paraqiten të paktën 400 fëmijë më grip në 24 orë. Mundësia kohore e vizitave që arrin një mjek pediatër në qendra shëndetësore arrin mesatarisht 20 fëmijë. Në këtë kapacitet të ulët, mjekët rekomandojnë prindërit të mos dërgojnë fëmijët në kopshte dhe çerdhe ditët e para të gripit, për të mos përhapur në zinxhir më shumë virozat.
