19-vjeçari Nicola Lorio, turist italian, ka humbur jetën një ditë më parë, në spitalin e Shkodrës pas përplasjet me Jet-Ski në plazhin e Velipojës. Mësohet se Lorio kishte ardhur për pushime në vendin tonë, por humbi jetën si pasojë e manovrave që po kryente me kunatin e tij me Jet Ski. Të dy po kryenin manovra dhe më pas dy mjetet janë përplasur në det, 1 milje jashtë perimetrit të sigurisë.
Bëhet me dije se 19-vjeçari mori plagë të rënda në kokë dhe në qafë dhe për pasojë ndërroi jetë. Gjithashtu policia e Shkodrës njofton se ka arrestuar italianin tjetër, Salvadore Di Tella 20-vjeç, për veprën penale “Vrasja nga pakujdesia”. Bëhet me dije se ata në Velipojë ishin pushues ditor dhe nuk po qëndronin aty. Po ashtu policia ka bllokuar dy Jet-Skit me të cilat janë përplasur italianët. Në pyetje janë marrë edhe pronarët e mjeteve.
