Në një intervistë të dhënë pak ditë më parë këngëtari Luiz Ejlli u shpreh se shumë prej djemve që e kanë mbështetur kur ai ishte pjesë e formatit Big Brother nuk i njihte apo kishte kohë që nuk mbante kontakte. E njëjta gjë ka vlejt edhe për ish banorin e Big Brother 1 ku supozohej se ishte “vëlla” me Ejllin.
Por ndër të tjera 37-vjeçari u shpreh se nuk e njihte fare.
Pas kësaj deklarate ka reaguar Meridian Ramçaj, i cili ka thënë se:
“Më ka prekur intervista e fundit e tij kur tha se nuk më njeh. Nga 2011-2016 rrinim thuajse përditë me Jonin, Luizin, gjithë kohës bashkë. Madje shoqëria jonë ka qënë e ngushtë. Kemi qënë me pushime bashkë. Ai mbase e ka harruar por unë kam ruajtur fotot. Kam qënë 5 ditë në Paris te shtëpia e tij bashkë me të fejuarën time. Nuk e kuptoj përse e bëri këtë. Rrobat e para ia kam futur unë. Parfumet e para ia kam futur unë. Nuk e di kush e ka fryrë kaq shumë por do i mësoj disa të vërteta më vonë,- ka thënë Ramçaj”.
Nuk dihet ende përse Luizi po mban këtë qëndrim ndaj shoqërisë së vjetër, pasi nuk ka dhënë detaje në lidhje me këtë temë.
