–Një apartament në Lushnjë është përfshirë nga flakët. Zjarri ka rënë në katin e katërt të një apartamenti në lagjen ‘Kadri Qystri’. Zjarrfikësit arritë të shuanin në kohë flakët, ndërsa zjarri rrezikonte të përhapej në pallatet e tjera. Dëmet materiale janë të shumta, po për fat të mirë nuk raportohet për të lënduar, pasi në shtëpi nuk ka pasur njeri. Shkak o zjarrit është bërë soba e gazit për gatim, e cila është lënë ndezur.
Njoftimi i policisë:
Rreth orës 09:30 në banesën e shtetasit N. D., në katin e katërt të një pallati, në lagjen “Kadri Qystri”, dyshohet se si pasojë e lënies ndezur të sobës së gazit për gatim, banesa është përfshirë nga flakët. Nga zjarri janë shkaktuar vetëm dëme materiale. Nga ndërhyrja e menjëhershme e shërbimeve të Policisë dhe atyre të zjarrfikëses është bërë e mundur shuarja e flakëve. Grupi hetimor vijon punën për sqarimin e rrethanave të rastit.
