Sulmuesi francez Karim Benzema është larguar nga skuadra e Real Madrid pas 14 vitesh në fanellën e tyre.
Prej kohësh përflitej për një kontratë të Benzema me një skuadër të Arabisë Saudite, por ai e mohoi një lajm të tillë duke u shprehur se përjetësisht do të ishte me Realin.
Por pas zyrtarizimit të lamtumirës nga Real Madrid, mediat spanjolle kanë nisur të zbulojnë edhe më shumë informacione rreth së ardhmes së francezit. Sipas raportimeve, për transferimin e Benzema në Arabi ka ndikuar edhe ndërhyrja e Ministrit të Sportit.
Madje, Topi i Artë ka gjetur akordin me Ministrin i cili e ka siguruar se nga eksperienca në Lindjen e Mesme do të përfitojë 200 milionë euro në sezon dhe si do të bëhet ambasador i Arabisë me këta të fundit që kërkojnë të organizojnë Botërorin e vitit 2030.
Gjithashtu nga ana tjetër, është pikërisht Ministri ai që do të përcaktojë klubin që do të marrë shërbimet e Benzema, teksa të favorizuar janë kampionët në fuqi të Al-Ittihad. Transferimi i Benzema te Al-Ittihad duket një strategji e mirëfilltë pasi aktualisht te Al-Nassr luan Ronaldo ndërsa klubi i Al-Hilal është në kontak me Lionel Messin.
