Detaje të tjera janë zbardhur nga ngjarja e rëndë që ndodhi mëngjesin e sotëm në Kurbin, ku mbeti i vrarë me armë zjarri një 70-vjeçar. Bëhet e ditur se viktima është shtetasi Selman Mihana, i cili ishte ekonomist në firmën e përpunimit të inerteve në Kurbin. Ndërsa pronari i plagosur është identifikuar si Ardian Gjeloshi. Deri më tani nuk dihen ende rrethanat e ngjarjes, ndërsa efektivët ndodhen në vendin e krimit.
Forcat Kombëtare të Sigurisë dhe Forcat Speciale Renea kanë shkuar në ndihmë të policisë vendore që po punon për identifikimin dhe kapjen e autorit/ve. Krimi ndodhi mëngjesin e sotëm rreth orës 07:00 në fshatin Gurez. Ekonomisti i firmës Selman Mihana, rreth 70 vjeç, ka humbur jetën pasi u qëllua me armë. Ndërsa është plagosur pronari Ardian Gjeloshi, rreth 51 vjeç, i cili është transportuar në spital për ndihmë mjekësore.
