Së fundmi shkenctarët kanë arritur të bëjnë zbulimin më të madh të robotikës, duke krijuar ndryshe nga herët e tjera, robotin humanoid.
Ndryshe nga rrobotet e tjerë të ngurtë që kemi parë, këtë herë shkenca skon në nivele më të larta duke krijuar robotin e lengshëm që ndryshon formën e trupit.
Kjo gjë jep mundesinë që roboti të shëndërohet nga gjendje e ngurtë në të lëngëzuar për të kaluar nëpërmjet hapsirave të vogla.
Këta robotë mund të tejkalojnë limitet e arritura nga robotët. Në të ardhmen ato do të kenë potencialin të përdoren në fusha të ndryshme madje dhe ato mjekësore. Studiuesit i detyruan robotët të kalojnë nëpërmjet pengesave, të kapin objekte apo t’i çojnë ato në stomakun e njerëzve si dhe të dalin nga kafazi duke u lëngëzuar para se të riformoheshin sërisht në gjendjen e mëparshme.
“Funksionet e robotëve mund të rriten jashtëzakonisht shumë duke i pajisur ato me mundësinë për të kaluar nga gjendja e ngurtë në të lëngshme.” tha Chengfeng Pan nga University of Hong Kong.
Për të gjetur një zgjidhje, ekipi i studiuesve të drejtuar nga Pan e gjetën inspirimin e tyre në natyrë, duke shikuar kastravecin e detit. Kafshë të tilla mund të ndryshojnë fortësinë e indeve të tyre për të rritur kapacitetin mbajtës të tyre si dhe të limitojnë dëmtimet fizike. Nga ana tjetër oktapodët mund të ndryshojnë fortësinë e krahëve të tyre për t’u kamufluar dhe manipuluar prenë e tyre.
Shkencëtarët përdorën galiumin, një material jo toksik që mund të ndryshojë formë lehtësisht pasi ka një temperaturë shkrirje prej vetëm 29.76 gradë Celsius në presion normal, pra ju mund ta shkrini galiumin thjesht duke e mbajtur në duar. Për të vënë në lëvizje këtë material duhej dhe krijimi i një makinerie me magnetë aktivë që ndihmon në ndryshimin e gjendjes së galiumit nga të ngurtë në të lëngshëm.
