Një kometë e sapo zbuluar do të bëjë afrimin e saj më të afërt me planetin tonë ditën e mërkurë.
Astronomët thonë se udhëtimi i objektit drejt nesh zgjati rreth 50,000 vjet.
Fotografitë e kapura nga astronomët tregojnë një ngjyrë të gjelbër të dallueshme rreth trupit të kometës.
Por ata që presin një brez të shkëlqyer smeraldi në qiell do të zhgënjehen. Shkëlqimi i tij është pikërisht në pragun e asaj që është e dukshme me sy të lirë.
“Ju mund të keni parë raportime të ndryshme që thonë se ne do të mundemi të shohim objektin e gjelbër të ndriçojë qiellin e natës,” thotë Dr Robert Massey, zëvendës drejtor ekzekutiv i Shoqërisë Mbretërore Astronomike. “Ama, nuk do të jetë diçka e tillë.”
Megjithatë, larg ndotjes së dritës dhe nën qiejt e errët, ju mund të jeni në gjendje të shihni një njollë në qiell,nëse e dini se çfarë po kërkoni.
Vëzhguesit e mundshëm të yjeve kanë një shans më të mirë për ta dalluar atë duke përdorur teleskop, në të cilat do të shfaqet si një turbullim i zbehtë i bardhë.
“Edhe një palë dylbi të vogla do t’ju ndihmojnë ta gjeni atë,” thotë Massey.
Kometat përbëhen kryesisht nga akulli dhe pluhuri. Ndërsa i afrohen Diellit, akulli avullohet dhe pluhuri shkundet për të krijuar bishtin e gjatë.
