Këngëtarja me origjinë shqiptare, Eleni Foureira ka sjell në jetë fëmijën e saj të parë, sipas informacioneve që kanë shpërndarë mediet greke, këngëtarja dhe partneri i saj, Alberto Botia, janë bërë prindër për herë të parë, të një djali. Ende nuk ka një reagim zyrtar nga ana e këngëtares për lajmin e ëmbël.
Lajmin e shtatzënisë, artistja shqiptare e kishte bërë të ditur më 13 Nëntor. E shtrirë në një shtrat pranë Albertos, partnerit të saj dhe babait të vogëlushit, ajo njoftoi se do të kenë fëmijën e parë.
Pak para se të sillte në jetë fëmijën, këngëtarja e njohur ka folur për revistën “Vogue Greece” për përpjekjet që ka bërë për shtatzëninë.
“Gjithmonë kam dashur të bëhem nënë, thjesht e kam pasur shumë të vështirë. Kam kohë të gjatë që po mundohem, thjesht ishte më e vështirë për mua, si për shumë gra të tjera. Dua t’u them atyre se nuk duhet të zhgënjehen kurrë”, deklaroi fillimisht ajo. Historia e dashurisë me Elenit dhe Albertos nisi në vitin 2016.
