Këngëtari dhe kantautori i njohur Italian Eros Ramazzotti u bë gjysh për herë të parë, pasi vajza e tij 26-vjeçare Aurora solli në jetë fëmijën e saj të parë.
Lajmi u bë i ditur përmes një postimi në Instagram të Aurora Ramazzotti.
Në veçanti, ajo ka postuar një foto polaroid të saj dhe partnerit të saj, Goffredo Serza, menjëherë pas lindjes së vogëlushit të tyre.
Madje, në foto bebi shihet me byzylyk në dorë, ku shkruhet: “Babai i Çezares”.
Pak orë më vonë, edhe ish-bashkëshortja e Eros Ramazzotti-t, Michelle Hunziker, ka bërë një postim në rrjetet sociale, duke thënë se “është dita më e bukur e jetës së saj”.
Të njëjtin gëzim ndan edhe interpretuesi 59-vjeçar italian, pasi u bë gjysh për herë të parë. Edhe pse e dinte tashmë që nipi i tij nuk do të kishte emrin e tij, siç kishte thënë në një intervistë për revistën italiane “Oggi”, kjo nuk e shqetësoi aspak.
