Portali grek gazzetta.gr i jep zë edicionit të dytë të Big Brother Vip Albania. Një përshëndetje për fansat nëpërmjet aplikacionit Big Love nga Luizi dhe Armaldo është bërë video më e pëlqyer në median fqinje. Zilevo e kënduar nga këngëtari grek Giorgos Mazonakis duket se ka rrëmbyer vëmëndjen e banorëve të shtëpisë më të komentuar në vend.
Ja çfarë shkruan më tej portali grek gazzetta. gr
Lojtarët e Big Brother Albania e kanë “kthyer” në greqisht, duke interpretuar një nga pjesët më të njohura të Giorgos Mazonakis.
Big Brother është rikthyer muajt e fundit në televizionet në Shqipërinë fqinje në një version All Star. Më konkretisht, në Big Brother VIP, këngëtarë dhe influencues, deri tek aktorët dhe sportistët, janë mbyllur në shtëpinë e Big Brother, duke u përpjekur të qëndrojnë sa më shumë që të munden, pa u “përzënë” nga teleshikuesit.
Duke qenë se po flasim për lojtarë të famshëm, ka kuptim që sponsorët e reality shoë-t kanë luftuar për të qenë në ndonjë pjesë të shtëpisë. Gjë që sigurisht e ka kthyer në një “festival ngjyrash”. Megjithatë, lojtarët nuk i kushtojnë shumë rëndësi peizazhit dhe thjesht përpiqen të kalojnë mirë duke qëndruar brenda shtëpisë.
Në një nga pasditet e tyre të zakonshme, në Big Brother shqiptar, dy lojtarë, tenori Armaldo Kllogjeri dhe këngëtari Luiz Ejlli, të cilët kishin përfaqësuar vendin e tij në Eurovizion në vitin 2006 në Athinë, vendosën të këndojnë greqisht.
Çfarë zgjodhën? Një nga këngët më të njohura të Giorgos Mazonakis, “Zilevo”, të cilën ata e interpretuan me mjeshtëri. Në fakt, ata u përpoqën të kërcejnë diçka si një çiftetelli.
Vlen të theksohet se fragmenti i veçantë nga shtëpia e Big Brother është ngarkuar në kanalin zyrtar të reality shoë-t shqiptar në YouTube dhe ka arritur të kalojë me shpejtësi 250 mijë shikime, ku dy lojtarët kanë dhënë një “recital”.
